14 наурыз – «Көрісу күні – Амал мерекесі».
Жыл басы саналатын Наурыз мерекесі Көрісу күнімен басталады.
Алты ай қыстан аман шыққан елдің арқа-жарқа болып, көктемге есендікпен жеткенін дәріптеу салты. Малдың аузы көкке, елдің аузы аққа жеткеніне қуанып, шүкірлік етуі, қыс қаһары қайтқан соң атқа мініп, ауыл-ауылдағы ағайын-туысқа сәлем беруі, соғым соңын қазанға сап, наурыз көжеден ауыз тиюі.
